Psikiatri që dëshmoi për Amber Heard në gjyqin me Johhny Depp, tha se ai mund të mos pranojë të jetë më dëshmitar ekspert pas abuzimit “të turpshëm” që mori në internet.

“Asnjëherë në jetën tim nuk kam qenë objektiv i një sasie kaq të madhe urretjeje”, shkroi Dr David R. Spiegel në një shkrim për Neësëeek, trasmeton portal arbresh.info

Dëshmia e psikiatrit është bërë virale në të gjitha mediat sociale, sidomos nga fansat e Johnny Depp, të cilët e kanë “sulmuar” atë për dëshminë.

TikTok, YouTube dhe Tëitter u fiksuan në Spiegel pas paraqitjes së tij në gjykatë më 23 maj në mbështetje të pretendimeve të Heard për abuzim në familje.

Spiegel dëshmoi se sjellja e Depp ishte në përputhje me një çrregullim të abuzimit me substanca dhe me dikë “që është autor i dhunës nga partneri intim”, raportoi BBC.

“Unë jam ekspert në këtë”, ka shkruar ai. “Nuk është sikur pashë një klip të Depp, dhe më pas thashë: “Oh, më lejoni ta gjykoj këtë”.

Ai tha se kishte studiuar detajet e rastit që kur iu kërkua për herë të parë të ishte dëshmitar në vitin 2019.

Menjëherë pas dëshmisë, llogaria e tij në mediat sociale u vërshua me komente negative, ndërkaq videot e shpërndara në mediat sociale ai i quajti “të neveritshme”.

“Ekzaminimi i kryqëzuar është diçka për të cilën nuk do të jeni kurrë plotësisht të përgatitur, sepse nuk e dini saktësisht se çfarë do të bëjnë apo thonë ata”, shkroi Spiegel.

Rreth një orë pas paraqitjes së tij, gruaja e tij e telefonoi dhe e paralajmëroi për një reagim të ashpër në mediat sociale: “‘Dëgjo, nuk dua që të shikosh se çfarë po thuhet’,” e citoi ai të thoshte.

Përgjigja ishte “e tmerrshme”, tha ai. Në 48 orët e ardhshme, ai pati atë që ai e përshkroi si “tronditje emocionale” që e la atë “të mpirë dhe të trullosur”.

“Gjatë karrierës sime, unë jam marrë me njerëz që nuk janë fajtorë për vrasje për shkak të çmendurisë dhe jam marrë me njerëz që janë psikotikë dhe më kanë kërcënuar se do të më vrisnin, dhe nuk më ka shqetësuar asnjëherë, por kjo ndodhi tani”, shkroi ai.

Ai tha se ishte i zhgënjyer që Depp nuk ndërhyri për t’i kërkuar fansave të tij të ndalonin. “Fakti që ai ndoshta nuk ka thënë asgjë, tregon shumë për të”, shtoi ai.

Dëshmia ka potencialin të ndikojë në karrierën e tij, shkroi Spiegel, megjithëse ai tha se shumë nga klientët e tij kanë qenë mbështetës./arbresh.info/